Şəkidə maşın ağaca çırpıldı – Xəsarət alan var

Şəki şəhər ərazisində avtomobil qəzası baş verib. Avtosfer.az xəbər verir ki, Şəkinin Çələbixan qəsəbə sakini, 1986-cı il təvəllüdlü Kamran İsmayılovun idarə etdiyi avtomobil yoldan çıxaraq ağaca çırpılıb. Sürücü hadisə yerinə cəlb edilən Təcili tibbi yardım briqadasının köməyi ilə Şəki Rayon Mərkəzi Xəstəxanasına çatdırılıb. Xəstəxanadan verilən məlumata görə, vətəndaşa başın qapalı travması, sağ çiyinin travması diaqnozu təyin edilib. Ona zəruri tibbi xidmətlər göstərilir. Vəziyyəti ağır qiymətlədirilən şəxsin müalicəsi müvafiq şöbədə davam etdirilir. Faktla bağlı araşdırma aparılır.