Şəkidə qəza: Piyada hadisə yerində öldü - FOTO

Bu gün səhər saatlarında Şəki şəhəri Salman Mümtaz küçəsində piyadanın ölümü ilə nəticələnən yol-nəqliyyat hadisəsi baş verib.

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, rayonun Baş Küngüt kənd sakini Arif Ağammədov idarə etdiyi VAZ-2103 markalı avtomobillə yolu keçən piyada Rasif Abdullayevi vurub.

Nəticədə piyada aldığı xəsarətlərdən hadisə yerində ölüb.

Faktla bağlı araşdırma aparılır.