Şəmkirdə "Ford" "Mersedes"lə toqquşdu: 4 yaralı

Bakı-Qazax magistralının Şəmkir rayonu ərazisindən keçən hissəsində yol nəqliyyat hadisəsi baş verib. Şəmkir rayon Polis İdarəsindən anspress-ə verilən məlumata görə, Gəncə şəhər sakini Oqtay Musayev idarə etdiyi "Mercedes" markalı avtomobillə Qazax istiqamətində hərəkətdə olarkən Şəmkir sakini Novruzəli İbrahimovun idarə etdiyi "Ford" markalı mikroavtobusla toqquşub. Nəticədə "Mercedes"də olan 4 sərnişin müxtəlif dərəcəli bədən xəsarətləri alıb. Yaralılar dərhal Şəmkir Rayon Mərkəzi Xəstəxanasına aparılıb. Xəstəxanadan yarılaların vəziyyətinin normal olduğunu, bəzilərinin evə buraxıldığını bildirdilər. Mikroavtobusun sürücüsü isə qəzadan xəsarətsiz ötüşüb. Faktla bağlı Baş Dövlət Yol Polisi İdarəsində araşdırma aparılır.