Şəmkirdə idarəetmədən çıxan maşın beton arakəsməyə çırpıldı - VİDEO

Şəmkir rayonunda yol-nəqliyyat hadisəsi baş verib.

Avtosfer.az-ın məlumatına görə, qəza avqustun 25-də günorta saatlarında rayonun Qədimqala kəndində qeydə alınıb. Belə ki, hərəkətdə olan “Ford” markalı avtomobilin sürücüsü idarəetməni itirib. Nəticədə avtomobil beton arakəsməyə çırpılıb.

Hadisə nəticəsində nəqliyyat vasitəsinə maddi ziyan dəyib, sürücü və sərnişin yüngül xəsarət alıb.

Əraziyə təcili tibbi yardım briqadası və polis əməkdaşları cəlb olunub.

Faktla bağlı araşdırma aparılır.

Nərmin