Şəmkirdə qəza: 4 yaralı

Şəmkirdə mikroavtobusla "Mercedes" toqquşub, yaralılar var. Avtosfer.az kəpəztv-yə istinadən xəbər verir ki, bu gün saat 13:30-da Bakı-Qazax magistralının Şəmkir rayonu ərazisindən keçən hissəsində yol qəzası baş verib. Gəncə sakini Oqtay Musayev idarə etdiyi "Mercedes" markalı avtomobillə Qazax istiqamətində hərəkətdə olarkən ikinci dərəcəli yoldan əsas yola çıxan Şəmkir sakini Novruzəli İbrahimovun idarə etdiyi "Qazel" markalı mikroavtobus toqquşub.

Nəticədə "Mercedes"də olan 4 sərnişin müxtəlif dərəcəli bədən xəsarətləri alıb. Onlar təcili tibbi yardım maşını ilə Şəmkir Mərkəzi Rayon Xəstəxanasına aparılıblar, vəziyyətləri orta ağır kimi qiymətləndirilir. "Qazel"də sürücü tək olub. O, hadisədən xəsarətsiz ötüşüb. Qəzadan sonra sürücülər arasında insident yaşanıb. Vəziyyətlə bağlı əraziyə əlavə polis qüvvəsi çağırılıb. Faktı Baş Dövlət Yol Polisi İdarəsinin İstintaq və Təhqiqat şöbəsi araşdırır.