Sənədsiz avtomobil sürən sürücü qəza törətdi
Qəzalar
29 Oktyabr 2015 11:24
Oxunub 2269
Qəza nəticəsində avtomobillərdən birində olan xanım şərnişin xəsarət alıb
Gecə Bakının Yasamal rayonu ərazisində iki avtomobilin toqquşması ilə nəticələnən yol nəqliyyat hadisəsi baş verib. Avtosfer.az anspress-ə istinadən xəbər verir ki, Abbasquluağa Bakıxanov küçəsində, eyni adlı yolötürücü körpünün üstündə qeydə alınmış yol nəqliyyat hadisəsi zamanı Hilal İbrahimovun idarə etdiyi “Volkswaqen” və Nadir Abdullayevin idarə etdiyi “VAZ 2107” markalı minik maşınları toqquşub. Müəyyən edilib ki, birinci avtomobil adıçəkilən küçə ilə İnşaatçılar prospektindən Səməd Vurğun küçəsi istiqamətində, Nadir Abdullayevin “Jiquli”si isə əks istiqamətdə hərəkət edirmiş. Qarşı-qarşıya gəldikləri nöqtədə avtomobillər gözlənilmədən toqquşub.
Yol qəzasının baş verdiyi ünvanda Bakı Şəhər Baş Dövlət Yol Polisi İdarəsinin və Yasamal RPİ-nin əməkdaşları müayinələr aparıb. “VAZ 2107” markalı avtomobildə olan xanım sərnişin yüngül əzildiyi üçün sonradan xəstəxanaya müraciət etməli olub. Avtomobillərin sürücüləri isə ifadələrinin alınması üçün polis orqanına dəvət edilib.
İlkin ifadəsi zamanı həmçinin sürücü Hilal İbrahimovun avtomobili sənədsiz idarə etdiyi də üzə çıxıb.
ŞƏRH YAZ
DİGƏR XƏBƏRLƏR
