Sərnişin avtobusu "KamAZ"la toqquşdu: ölən və yaralılar var

Yanvarın 19-da axşam saatlarında Tatarıstanda sərnişin avtobusu ilə qoşqulu "KamAZ" markalı yük maşını toqquşub, ölən və yaralananlar var.

Avtosfer.az xəbər verir ki, bu barədə respublika prokurorunun böyük köməkçisi Ruslan Qaliyev bildirib.

Hadisə Tatarıstanın Novoşeşminski rayonunda baş verib. İlkin məlumatlara görə, hadisədən sonra daha iki avtomobil yük maşını və avtobusa çırpılıb.

Avtobus sürücüsü aldığı xəsarətlərdən dünyasını dəyişib. Bir neçə zərərçəkən Çistopol xəstəxanasına çatdırılıb.
Hadisənin başvermə səbəbləri araşdırılır.///lent.az