Sərnişinlə taksi sürücüsü əlbəyaxa oldu: Avtomobil qəzaya düşdü - VİDEO

Rusiyanın Omsk şəhərində taksi sürücüsü ilə sərnişin əlbəyaxa olub.

İnsident nəticəsində Anton adlı sürücüyə zərər dəyib.

Hər şey sərnişinin taksidə olmasına baxmayaraq pivə içməsi və şirniyyat yeməsi ilə başlayıb.

Bir müddət sonra sərnişinin içdiyi pivə avtomobilə tökülüb və nəticədə sürücü onun avtomobilinə dəyən ziyanın pulunu tələb edib.

Lakin sərnişin nə avtomobili təmizləməyə nə də gediş haqqını ödəməyə pulunun olmadığını bildirib.

Sürücü məsələni həll etmək üçün avtomobili taksi deposu istiqamətinə sürməyə başlayıb. Buna etiraz edən sərnişin sükandan tutaraq sürücüyə mane olmağa çalışıb.

Tərəflər arasında başlayan insident qəzaya səbəb olub.