Servis mikroavtobusu aşdı; 1-i ağır, 20 yaralı - FOTO

Türkiyənin Bingöl vilayətində servis mikroavtobusunun iştirakı ilə yol-nəqliyyat hadisəsi baş verib. Avtosfer.az xəbər verir ki, qəza sentyabrın 7-də səhər saatlarında “Bingöl – Erzurum” avtomagistralının 30-cu kilometrliyində qeydə alınıb.

Məlumata görə, fındıq bağının işçilərini Ordudan Batmana daşıyan 72 AAC 137 qeydiyyan nömrə nişanlı Mercedes Sprinter” markalı mikroavtobus, hərəkətdə olarkən sürücünün idarəetməsindən çıxaraq yolun hərəkət hissəsinə aşıb.

Hadisə nəticəsində 20 nəfər müxtəlif dərəcəli bədən xəsarətləri alıb. Yaralılar, təcili tibbi yardım briqadasının köməkliyi ilə Bingöl Dövlət Xəstəxanasına çatdırılıblar. Həkimlər onlardan birinin səhhətinin ağır olduğunu bildirib.  

Faktla bağlı araşdırma aparılır.

Namiq Musayev