Sərxoş sürücüdən dəhşətli qəza: Maşını iki yerə bölündü, özü isə yol kənarına düşdü - VİDEO

İçkili halda sükan arxasına əyləşən sürücü həyatını qəza ilə sonlandırıb.
Avtosfer.az xəbər verir ki, sosial şəbəkələrdə paylaşılan ağır yol-nəqliyyat hadisəsi bugün səhər saatlarında, Səbail rayonunun Bibiheybət yolunda baş verib. Həvəskar sürücünün lentə aldığı kadrlardan da aydın göründüyü kimi “Hyundai Sonata” markalı avtomobil yüksək sürət həddi ilə idarəetməni itirərək ana yoldan çıxıb və kənardakı reklam mahiyyətli lövhəyə çırpılıb. Nəticədə iki hissəyə bölünərək tamamilə yararsız hala düşən avtomobilin idarəçisi - 23 yaşlı gənc hadisə yerindəcə keçinib. Qəza şahidlərinin məlumatına əsasən, olayın baş verməsinə səbəb sürücünün içkili halda avtomobilini idarə etməsi olub. 
Qeyd edək ki, hadisə yerinə cəlb olunan polis əməkdaşları faktla bağlı araşdırma aparıb. 

Nərmin