Səs-küylü qəza: Sürücü çaya aşan avtomobildən son anda xilas oldu - VİDEO

Yüksək sürətlə idarəni itirən sürücü avtomobilini yoldan çıxararaq çaya aşırıb.
Avtosfer.az xəbər verir ki, sosial şəbəkələrdə maraqla qarşılanan yol-nəqliyyat hadisəsi İranda qeydə alınıb. Kameraya düşən görüntüdən bəlli olduğu kimi, çaya doğru aşan “Hyundai” markalı avtomobilin içərisində olan sərnişin ölümlə üz-üzə qalıb. Yardıma gələn insanlar düşməkdə olan avtomobildəki şəxsi çıxarmaq üçün bütün güclərini sərf ediblər. Belə ki, 4 nəfər əl-ələ verərək qəzanın hədəfinə düşən şəxsi çıxarmağa müvəffəq olublar. Yüngül xəsarətlərlə təhlükənin eşiyindən dönən sürücü xəstəxanaya yerləşdirilib. Avtomobil isə bir neçə dəfə fırlanaraq uçurumdan çaya düşüb. 

Nərmin