“Shacman”nın yoluna girən xanım sürücü qəza törətdi - VİDEO

Qaradağ rayonunda qayda pozan sürücü qəzaya səbəb olub.
Avtosfer.az-ın məlumatına görə, hadisə bir neçə gün öncə səhər saatlarında Lökbatan dairəsində baş verib. Belə ki, 90-VT-464 dövlət nömrə nişanlı, “Hyundai” markalı avtomobil, 90-TR-833 dövlət nömrə nişanlı, “Shacman” markalı yük maşını ilə toqquşub. Qəzaya səbəb “Hyundai” sürücüsünün yük maşınının yoluna çıxması olub. Qayda pozuntusu törədən xanım sürücü avtomobili “Shacman”a vurub. Nəticədə maşının sol tərəfi yararsız hala düşüb, həmçinin yük avtomobili də müəyyən dərəcədə zədələnib. 
Qeyd edək ki, “Shacman”ı idarə edən şəxs xanım sürücünün qəzaya səbəb olmasına baxmayaraq onu yola verdiyini bildirib. 

Nərmin