Şirvanda avtomobil dəmir betona çırpılıb, sürücü xəsarət alıb

Şirvanda bir nəfərin xəsarət alması ilə nəticələnən yol-nəqliyyat hadisəsi baş verib.

Hadisə bu gün axşam saatlarında şəhərin 1 may küçəsində qeydə alınıb.

Belə ki, Sabirabad rayonunun Şıxsalahlı kənd sakini,1997-ci il təvəllüdlü Hüseynzadə Abbas İmran oğlu idarə etdiyi “VAZ-21015” markalı avtomobili ilə hərəkətdə olarkən anidən idarəetməni itirib və yolun kənarındakı dəmir betona çırpılıb.

Müxtəlif dərəcəli bədən xəsarətləri alan yaralı Şirvan Şəhər Mərkəzi Xəstəxanasının reanimasiya şöbəsinə yerləşdirilib.

Faktla bağlı araşdırma aparılır. (“Report”)