Son dəqiqə: Zabratda dəhşətli qəza baş verib - VİDEO - FOTO

Bu gün Bakının Zabrat qəsəbəsində, Dövlət Gömrük Komitəsinin Akademiyasının qarşısında dəhşətli qəza hadisəsi baş verib.
Avtosfer.az xəbər veri ki, 19-BD-573 dövlət nömrə nişanlı yük avtomobilinin sürücüsü işıqforun qırmızı işığında maşını saxlaya bilməyib. İdarəetməni itirən sürücü yolun kənarındakı dərəyə düşüb. Xoşbəxtlikdən xəsarət alan olmayıb.
Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli sürücülərə çağırışında diqqətli olmalarını bildirib. “Ani diqqətsiz hərəkət faciələrlə nəticələnə bilər. Təsəvvür din ki, bu avtomobil dərəyə yox, bir az qarşıdakı dayanacağa çırpılsaydı necə ağır itkilər ola bilərdi. Diqqətli və məsuliyyətli olun.”
Xatırladaq ki, həmin ərazidə baş verən ikinci qəzadır. İlk qəzada Dövlət Gömrük Komitəsinin Akademiyasının bir kursantı və bir xanım işçisi dünyasını dəyişmişdi. 

Nurlan Sakitoğlu