Sumqayıtda avtomobil piyadaları vurub

Sumqayıt şəhərində avtomobil piyadaları vurub.

"Report"un məlumatına görə, hadisə şəhərin mərkəzi ərazisində qeydə alınıb. Avtomobil yolu keçən 1987-ci il təvəllüdlü Məmmədli Vahab Əli oğlunu və 1980-ci il təvəllüdlü Yadigarov Elnur Zaur oğlunu vurub.

Yaralılar təcili tibbi yardımın köməkliyi ilə xəstəxanaya çatdırılıblar. Müayinə zamanı V.Məmmədliyə müştərək travma, E.Yadigarova isə sol baldır sümüklərinin yerdəyişən sınıqları diaqnozları qoyulub.

Hadisənin təfərrüatı araşdırılır.