Sumqayıtda qəza: Avtomobil yanacaqdoldurma məntəqəsinə girərək aşdı - VİDEO

Yüksək sürətlə idarəetməni itirən sürücü yanacaqdoldurma məntəqəsini hədəfinə salıb. 
Avtosfer.az xəbər verir ki, sosial şəbəkələrdə səs-küy yaradan qeyri-adi qəza dünən axşam saatlarında, Sumqayıt şəhərinin 17 mikrorayon ərazisində qeydə alınıb. Həvəskar sürücülərin kamerasına tuş gələn görüntülərdən də aydın olduğu kimi “Nissan Patrol” markalı avtomobil yanacaqdoldurma məntəqəsinə girərək aşıb. Nəticədə, aşan avtomobil yanacaq dolduran avadanlıqlardan birini də yararsız vəziyyətə salıb. Hadisə şahidlərinin məlumatına əsasən, qəzanın baş verməsinə səbəb yüksək sürət həddi olub. 
Qeyd edək ki, olay zamanı xəsarət alan olmayıb. 

Nərmin