Sürət həddini aşan sürücü avtomobili otluğa saldı - VİDEO

Nasaz avtomobillə sürət həddini aşan sürücü qəza törədib. 
Avtosfer.az xəbər verir ki, sosial şəbəkələrdə müzakirə obyektinə çevrilən qəza Rusiyada cərəyan edib. Görüntüdən bəlli olduğu kimi, yüksək sürətlə irəliləyən avtomobil qarşısındakı nəqliyyat vasitələrini keçməyə cəhd edib. Bu zaman qəflətən sükanı buraxan sürücü avtomobilin yoldan çıxmasına səbəb olub. Nəticədə yol kənarındakı otluğa düşən maşın bir neçə dəfə fırlanıb və dayanıb. Avtomobil yararsız vəziyyətə düşsə də sürücü sağ qalmağı bacarıb.
Qeyd edək ki, sürücü ifadəsi zamanı avtomobilinin nasaz vəziyyətdə olduğunu və bu məqsədlə avtomobilin qəzaya səbəb olduğunu bildirib. 

Nərmin