Sürətlə idarə olunan avtobusun təkəri yerindən çıxdı; 18 nəfər öldü - FOTO

Nigeriyanın şərqində ştatlararası reys avtobusunun iştirakı ilə ağır yol qəzası baş verib. Avtosfer.az xəbər verir ki, hadisə iyunun 30-da Abiya ştatında qeydə alınıb. Bu barədə “Sinhua” agentliyi məlumat yayıb.

Agentliyin məlumatına görə, sürücü tərəfindən yüksək sürətlə idarə olunan, Aba (Abiya ştatında yerləşən şəhər) şəhərindən Overri (İmo ştatı) şəhərinə gedən sərnişin avtobusu, anidən təkərinin yerindən çıxması səbəbindən idarəetmədən çıxaraq dəfələrlə çevrilib.

Polis, agentliyə ölənlərin dəqiq sayı barədə açıqlama verməyib. Ancaq “Daily Sun” nəşrinin bildirdiyinə görə, qəza nəticəsində 18 sərnişin dünyasını dəyişib.

Faktla bağlı araşdırmalara başlanılıb.

Namiq Musayev