Tərtərdə 13 yaşlı qızı maşın vurub

Tərtər rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az "report"a istinadən xəbər verir ki, "VAZ 2107" markalı minik avtomobili hərəkətdə olarkən yolu keçmək istəyən 2002-ci il təvəllüdlü Məmmədova Nərgiz Elşad qızını vurub. Hadisə qız hazırlıqdan evə qayıdarkən baş verib. Yaralı dərhal Tərtər Rayon Mərkəzi Xəstəxanasına yerləşdirilib. Zərərçəkənin vəziyyəti ağır olduğu üçün o, Bərdə Rayon Mərkəzi Xəstəxanasına aparılıb. Həkimlər Travmatologiya şöbəsinə yerləşdirilən yaralının vəziyyətini orta ağır qiymətləndirirlər.

Faktla bağlı rayon Polis şöbəsində araşdırma aparılır.