Törətdiyi qəzaya “hə, nə olub” deyən “Prius” sürücüsü dava saldı - VİDEO

Qayda pozub qəza törədən sürücü ilə həmkarı arasında dava düşüb.
Avtosfer.az-ın məlumatına əsasən, sosial şəbəkələrdə müzakirə obyektinə çevrilən yol-nəqliyyat hadisəsi dünən günorta saatlarında Salyan şossesində qeydə alınıb. Videoregistratora düşən görüntüdən aydın olduğu kimi, 77-CN-128 dövlət nömrə nişanlı, “Toyota Prius” markalı avtomobil qarşıdakı maşına məhəl qoymayıb. Belə ki, aşağı sürətlə gələn “Prius” ara məsafəsi qoymadan öndə dayanan avtomobilə vurub. Nəticədə vurulan maşının sahibi qəzəblənib və qəzaya səbəb olan sürücüyə iradını bildirib. İşin maraq doğuran məqamı isə səbəbkarın hadisəyə laqeyd yanaşması olub. Şikayət edən sürücüyə “hə, nə olub?” deyə cavab verən şəxs bu zaman onu daha da əsəbiləşdirib və o, söyüş söyməyə başlayıb. Sürücünün nalayiq ifadələrinə reaksiya bildirən “Prius” idarəçisi “Ayıbdı, söyüş söymə” deyib. Daha sonra avtomobilinə əyləşən sürücü “Bu “Prius” sürücülərinin əlindən şəhərdə maşın sürə bilmirik. Ölkəni xaraba qoyublar” söyləyib.

Nərmin