Tovuzda "07" qəza törətdi: 3 yaralı

Tovuzda üç nəfərin xəsarət alması ilə nəticələnən yol nəqliyyat qəzası baş verib. APA-nın verdiyi məlumata görə, hadisə sentyabrın 4-də axşam saatlarında Tovuz şəhərinin girişində qeydə alınıb. Rayonun Cəlilli kənd sakini, 1959-cu il təvəllüdlü Mübariz Namazov idarə etdiyi “VAZ 2107” markalı avtomobillə hərəkətdə olarkən idarəetməni itirib və maşın yolun kənarında beton səddə çırpılıb. Qəza zamanı sürücü, onun gəlini, 1993-cü il təvəllüdlü Mahirə Namazova və azyaşlı nəvəsi müxtəlif bədən xəsarətləri alaraq Tovuz Mərkəzi rayon xəstəxanasına yerləşdiriliblər. Onların vəziyyətlərinin normal olduğu bildirilir.

Faktla bağlı Tovuz rayon Polis şöbəsində araşdırma aparılır.