Tovuzda “Hunday”la “Mercedes” toqquşdu: 3 nəfər... - FOTO

Tovuzda ağır yol nəqliyyat hadisəsi baş verib.

APA-nın məlumatına görə, hadisə rayonun Düz cırdaxan kəndi ərazisində qeydə alınıb.

Belə ki “Hunday” markalı avtomobil ilə “Mercedes” markalı avtomobil toqquşub. Hadisə nəticəsində “Mercedes”in sərnişini kəllə-beyin travması alıb və təcili tibbi yardım maşını ilə rayon xəstəxanasına yerləşdirilib. Onun vəziyyətinin ( orta-ağır) olduğu bildirilir.

Report-un məlumatına görə, iki avtomobilin toqquşması nəticəsində, 1998-ci il təvəllüdlü Eltun Nağıyev, 1999-cu il təvəllüdlü Elşən Rüstəmli və onun həmyaşıdı Turxan Abbasov müxtəlif bədən xəsarətləri alıblar.

Onlar xəstəxanaya yerləşdiriliblər, vəziyyətləri kafi qiymətləndirilir.

Faktla bağlı araşdırma aparılır.