Tovuzda "KİA" traktora çırpıldı: 4 nəfər...

Tovuzda kütləvi dava olub.

Hadisə Tovuzda gecə saatlarında da fəaliyyət göstərən çay evlərinin birinin qarşısında baş verib.

Tovuzda iki nəfər arasında yarana mübahisə kütləvi davaya çevrilib. Nəticədə rayonun Qovlar şəhər sakini 26 yaşlı Xəyal bıçaq zərbələri alıb, xəstəxanaya yerləşdirilib.

Məlumata görə, kütləvi dava zamanı avtomobilə əyləşərək ərazidən uzaqlaşmaq istəyən şəxslər də olub. Onlar Qovlar şəhər ərazisində qəzaya düşüblər. KİA markalı minik maşını yol kənarında hərəkətsiz dayanan traktora çırpılıb. Nəticədə rayonun Qaziqulu kənd sakini sürücü 29 yaşlı Hüseyn Əliyev, Tovuz şəhər sakini 32 yaşlı Tural Tağıyev, Bozalqanlı kənd sakini Günay Babayeva və Düz-Cırdaxan kənd sakini 19 yaşlı Sənan Məmmədalıyev ağır bədən xəsarətləri ilə Tovuz Rayon Mərkəzi Xəstəxanasına yerləşdiriliblər.

Kütləvi dava zamanı yüngül xəsarət alanlar da olub. Onlara da ilkin tibbi yardım göstərilib.

Faktla bağlı Tovuz Rayon Polis Şöbəsində araşdırmalara başlanılıb. (apa)