Tovuzda mikroavtobus maneəyə çırpıldı, xəsarət alanlar var

Tovuz şəhərində marşrut xətti üzrə hərəkət edən mikroavtobus maneəyə çırpılıb, xəsarət alanlar var.

Hadisə yerinə Təcili Tibbi yardım briqadası və Dövlət Yol Polisi əməkdaşları cəlb olunublar.

Tovuz şəhərində yol-nəqliyyat hadisəsi zamanı xəsarət alanın şəxsiyyəti dəqiqləşib.

Mikroavtobusun maneəyə çırpılması nəticəsində, 2002-ci il təvəllüdlü H.Allahverdiyev müxtəlif bədən xəsarətləri alıb və xəstəxanaya yerləşdirilib.

Onun vəziyyəti kafi qiymətləndirilir.

Qeyd edək ki, hadisə Tovuz şəhərində fəaliyyət göstərən poliklinikaların birinin yaxınlığında qeydə alınıb.

Faktla bağlı araşdırma aparılır.

(report)