Tovuzda yük maşını ilə minik avtomobili toqquşub, ölən var

Tovuz rayonunda yük maşını ilə minik avtomobili toqquşub, ölən var.

Avtosfer.az-ın əldə etdiyi məlumata görə, hadisə yanvarın 31-də Tovuz-Qovlar avtomobil yolunda qeydə alınıb.

Belə ki, İsmət Məmmədovun idarə etdiyi “Ford” markalı yük maşını ilə Vüqar Sadıqovun idarə etdiyi “VAZ-21074” markalı avtomobili toqquşub. Nəticədə “VAZ-21074” markalı avtomobilin sürücüsü V.Sadıqov aldığı xəsarətlərdən Tovuz Rayon Mərkəzi Xəstəxanasına aparılıb və orada ölüb.

Faktla bağlı Tovuz Rayon Polis Şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi açılıb, istintaq aparılır

Report