"Toyota Prado" piyadanın üstündən keçdi

Mingəçevir şəhərində piyadanın ölümü ilə nəticələnən yol-nəqliyyat hadisəsi baş verib. Avtosfer.az eltv-yə istinadən xəbər verir ki, hadisə şəhərin Heydər Əliyev prospektində qeydə alınıb. "Toyota Prado" markalı minik avtomobilinin sürücüsü, Yevlax rayonu Tanrıqulular kənd sakini, 1963-cü il təvəllüdlü Vidadi Cəfərov avtomobili arxaya verərkən yolu keçmək istəyən, Nigar Rəfibəyli küçəsində yaşayan, Mingəçevir şəhər sakini, 1952-ci il təvəllüdlü Məhəbbət  Qurbanovu vurub. Avtomobil piyadanın üstündən keçib. Piyada aldığı xəsarətdən hadisə yerində keçinib. Hadisədən dərhal sonra əraziyə Mingəçevir Şəhər Polis Şöbəsinin əməkdaşları cəlb olunublar. Hadisə yerinə baxış keçirilib. Meyit müayinə olunmaq  üçün Məhkəmə Tibbi Ekspertiza Şöbəsinə göndərilib. Sürücü Vidadi Cəfərov saxlanılıb. Avtomobil cərimə meydançasına aparılıb. Faktla bağlı araşdırma aparılır. Qəzanın hansı şəraitdə baş verdiyi dəqiqləşdirilir.