Tozu dumana qatan sürücü şousu qəzayla nəticələndi - VİDEO

Yolda drift etdi, hərəkət edən avtomobillərin qəza törətməsinə səbəb oldu. Avtosfer.az xəbər verir ki, hadisə ABŞ-ın Kaliforniya ştatında baş verib. Həvəskar kamerasının videoya aldığı görüntüdən bəlli olduğu kimi yolun ortasında drift edərək şou göstərən sürücü aləmi tüstüyə boğaraq digər avtomobillərin hərəkətinə maneə törədib. Yolda bir neçə dəfə fırlanan pickup qarşıdan gələn və əks istiqamətdə hərəkət edən avtomobillərin bir-biriylə toqquşmasına səbəb olub. Qəza nəticəsində hər iki maşının ön hissəsi yararsız hala düşüb. Maraqlı məqam qəzalı avtomobilin hadisə yerini tərk etməsi, gülməli hissə isə “driftman”in hələ də şousunun nümayişini dayandırmaması olub.

Nərmin Əkbər