Tunisdə iki qatar toqquşdu: 49 yaralı

Tunisdə iki qatarın toqquşması nəticəsində 49 nəfər xəsarət alıb. APA-nın TASS agentliyinə istinadən verdiyi məlumata görə, bu barədə ölkənin daxili işlər nazirliyi açıqlama yayıb. Məlumata əsasən, insident paytaxt yaxınlığındakı Ben-Arus əyalətində baş verib. Yaralılar xəstəxanalara yerləşdirilib. Hadisənin başvermə səbəbləri müəyyənləşdirilir.