Türkiyə yollarında 7 nəfər öldü, 36 nəfər yaralandı

Türkiyədə baş verən iki yol qəzası nəticəsində 7 nəfər həyatını itirib, 36 nəfər yaralanıb. Avtosfer.az Anadolu agentliyinə istinadən verdiyi xəbərə əsasən, qəzalar Kastamonu vilayətinin Araç şəhərində və İstanbulun Aksaray mikrorayonunda baş verib. Araç şəhərində baş verən qəzada 6 nəfər ölüb, 1 nəfər yaralanıb. Aksarayda baş verən qəzada 1 nəfər ölüb, 35 nəfər yaralanıb. Yaralananlar xəstəxanaya çatdırılıb.