Türkiyədə avtobus yük maşını ilə toqquşdu - 1 ölü, 28 yaralı var

Türkiyənin Mersin əyalətinin Tarsus rayonunda sərnişin avtobusu ilə yük maşını toqquşub.

Avtosfer.az xəbər verir ki, qəza nəticəsində avtobusun sürücüsü həlak olub, 27 sərnişin və yük maşınının sürücüsü isə xəsarət alıb.

Bildirilir ki, hadisə yerinə çox sayda təcili yardım briqadaları cəlb edilib. Xəsarət alanlar yaxınlıqdakı xəstəxanalara çatdırılıblar, onların vəziyyəti barədə məlumat verilmir.

Qəzanın səbəbi polislər tərəfindən araşdırılır.

Bizim.Media