Türkiyədə dəhşətli qəza: ölənlər var - FOTO

Türkiyədə 3 nəfərin ölümü, 3 nəfərin isə xəsarət alması ilə nəticələnən dəhşətli yol nəqliyyat hadisəsi baş verib.

Avtosfer.az Türkiyə mediasına istinadən verdiyi məlumata görə, hadisə Denizli - Aydın magistral yolundakı Bakırlı keçidində meydana gəlib.

Şəxsiyyəti naməlum sürücünün idarə etdiyi minik avtomobili Denizli istiqamətində hərəkətdə olarkən nəzarətdən çıxan maşın eyni istiqamətdə hərəkət edən başqa maşına dəyərək bardürlərə çırpılıb. Bardürləri aşıraraq qarşı zolağa keçən maşın yolun əks istiqamətində hərəkət edən TIR-ın altına düşüb. İçərisində 4 nəfər olan minik maşınını sürükləyən TIR ancaq 70 metr irəlilədikdən sonra dayana bilib.

Qəza və həmçinin qəzanı izləmək üçün hadisə yerinə toplaşan insanlar səbəbindən magistral yolda bir müddət tıxac yaranıb.

Qəzada ölənlərin meyitləri məhkəmə tibbi ekspertizasına, yaralılar isə xəstəxanaya aparılıblar.

Faktla bağlı istintaq başladılıb, araşdırmalar davam edir.