Türkiyədə mikroavtobus aşdı: 4 ölü, 10 yaralı

Türkiyədə ağır yol-nəqliyyat hadisəsi qəzası olub, ölən və yaralananlar var.

Məlumata görə, hadisə Ərzincan şəhərində qeydə alınıb. Sərnişin mikroavtobusunun idarəetmədən çıxaraq aşması nəticəsində 4 nəfər ölüb, aralarında uşaqların da olduğu 10 nəfər yaralanıb.

Hadisə yerinə təcili yardım, jandarm, xilasedicilər cəlb olunub. Yaralılar təcili yardım maşınları ilə xəstəxanaya aparılıb.

Qəzanın başvermə səbəbi açıqlanmır. (oxu.az)