Türkiyədə zəncirvari qəza: Üçü ölü, 21 yaralı - FOTO - VİDEO

Türkiyədə magistral yolda zəncirvari qəza baş verib.

“Anadolu” Agentliyinin məlumatına əsasən, hadisə Bursa-Ankara yolunun Kestel kəndi ərazisindən keçən hissəsində qeydə alınıb.
Qəza nəticəsində üç nəfər ölüb, 21 nəfər isə yaralanıb. Yaralılardan 9-nun vəziyyətinin ağır olduğu bildirilir.

Qəzada qoşqulu yük avtomobilinin, avtobusun və çoxsayda minik avtomobillərinin iştirak etdiyi bildirilir.

Şahidlərin sözlərinə görə, yük avtomobili yaranan nasazlıqlar səbəbindən qarşı yola çıxaraq avtobus və minik avtomobilləri ilə toqquşub. Avtomobilləri qarşısına qataraq sürükləyən qoşqulu nəqliyyat vasitəsi çətinliklə dayanıb.

Hadisə yerinə təcili yardım və xilasetmə briqadaları cəlb edilib.