Üç adamı yanan maşından çıxartdı - VİDEO

Alovlara qərq olan avtomobildən 3 nəfəri xilas etdi. ABŞ-da  hər kəs bu cəsarətli və fədakar hərbçidən danışır. Yolda bir avtomobilin yandığını, xilasedicilərinsə gecikdiyini görən Stiv adlı şəxs vaxt itirməyərək yanan maşına doğru qaçıb və  avtomobilin içindəki insanları ölümdən xilas edib. Avtosfer.az xəbər verir ki, Şimali Karolina ştatında yaşayan Stiv mağazalardan birinə  gedən vaxt yolda iki avtomobilin qəzaya uğradığını, maşınlardan birinin yandığını görüb. Maşının partlayacağından qorxan digər insanlar avtomobildən uzaq durmağa çalışsa da, Stiv əksini edib. Avtomobilə doğru qaçan cəsarətli hərbçi, alovların pəncəsində  olan yaralıları xilas edə bilib. Baş verənlər həvəskar kameradan bu cür lentə alınıb.

Stivin sayəsində dəhşətli qəzada tələfat qeydə alınmayıb. Həvəskar kamera görüntülərinin mediyada yayımlanmasından sonra kapitan rütbəli hərbçi bir anda xalqın əsas müzakirə mövzusuna çevrilib. Bununla belə, cəsarətinin çox da şişirdiləcək bir fakt olmadığını irəli sürən Stiv  sadəcə “doğru vaxtda, doğru məkanda” olduğunu bildirib.