Uçan boşqab aləmi qatdı - VİDEO

Gözlərini uçan naməlum obyektdən çəkə bilmədilər, avtomobillər bir-biri ilə toqquşdu.

Rusiyanın Udmurtiya  respublikasında baş verən yol qəzası nadir səbəbi ilə mediada xəbər başlığına çevrilib. Avtosfer.az atv.az-a istinadən xəbər verir ki, 1 nəfərin öldüyü qəzaya səmada peyda olan uçan boşqab səbəb olub.

Avtomobillərdən birinin video-registratoruna düşən görüntüdə maşınlar hərəkətdə olan vaxt səmada naməlum obyektin uçduğu öz əksini tapır. Qarşıdakı yük maşını  və ondan qabaqda hərəkət edən minik avtomoblinin sürücülərinin diqqəti də məhz bu uçan boşqaba yönəlir. Bu səbəbdən yük maşını öndəki minik avtomobilinə çırpılır. Nəticədə maşının sürücüsü dünyasını dəyişir, 22 yaşlı sərnişin isə ölümcül vəziyyətdə həkim nəzarətinə götürülür.

Görüntülərdə səmada uçan obyektin nə olduğunu anlamaq çətindir. Onun  həddən artıq sürətlə uçması, bu obyektin təyyarə olmadığını sübut edir. Şahidlər də onun uçan boşqab olduğunu təsdiqləyir. Yük maşınının sürücüsü qəzada ciddi xəsarət almasa da, onu uzun müddət şokdan ayıltmaq mümkün olmayıb.