Ucarda avtomobil aşdı, ölən var

Ucar rayonunda ölümlə nəticələnən yol-nəqliyyat hadisəsi baş verib. Rayonun Qəzyan kəndində qeydə alınan qəza zamanı avtomobilin sürücüsü yerindəcə dünyasını dəyişib.

Avtosfer.az xəbər verir ki, bu barədə Ucar rayon Polis İdarəsindən anspress-ə verilən məlumata görə, Ucarın Qazyan kənd sakini Səbuhi Əhədov idarə etdiyi “BMW” markalı avtomobillə Ucar-Zərdab yolunun 3-cü kilometrliyində idarəetməni itirərək avtomobili yolun kənarındakı dərəyə aşırıb.

Qəza nəticəsində sürücü S. Əhədov hadisə yerində dünyasını dəyişib. “Hadisəyə səbəb avtomobilin yüksək sürətlə idarə edilməsi olub”- deyə Ucar Polis İdarəsindən bildirdilər.

Faktla bağlı Ucar rayon Polis İdarəsində Cinayət Məcəlləsinin 263.2 (ehtiyatsızlıqdan zərərçəkmiş şəxsin ölümünə səbəb olma) maddəsi üzrə cinayət işi açılıb, araşdırma davam etdirilir.