Valideynlərini elçiliyə aparan sürücü «07»ni aşırdı

Bakıda yol qəzası zamanı sürücü idarə etdiyi avtomobili aşırıb. Avtosfer.az-ın "report"a istinadən məlumatına görə, hadisə Sabunçu rayonu Ramana qəsəbəsində qeydə alınıb. Sabunçu rayonu Ramana qəsəbəsi Şuşa şəhərciyi ev 45 ünvanında yaşayan 1993-cü il təvəllüdlü Hüseynov Zaur Zabil oğlu idarə etdiyi "VAZ 2107" markalı avtomobilin sükanı arxasında olarkən idarəetməni itirib. Avtomobil aşdığı üçün sürücü Z.Hüseynov xəsarət alıb və o, xəstəxanaya yerləşdirilib. Yaralıya tibbi yardım edilsə də, vəziyyəti ağır olaraq qalır. Qəza ilə bağlı Sabunçu Rayon Polis İdarəsində araşdırma aparılır.

Qeyd edək ki, qəza sürücü Z.Hüseynovun elçilik günü baş verib. Valideynlərini sevdiyi qızın yaşadığı ünvana aparan sürücü geri qayıdanda qəza törədib.