Goranboyda “07” ilə “Mitsubishi” toqquşdu, sürücülərdən biri öldü - VİDEO

Yüksək sürət avtomobilləri yararsız hala salıb. 
Avtosfer.az xəbər verir ki, ağır yol-nəqliyyat hadisəsi Goranboy rayonunda qeydə alınıb. Videodan göründüyü kimi, 90-MA-846 dövlət nömrə nişanlı, “Mitsubishi Pajero” markalı avtomobil, “VAZ-2107” markallı avtomobillə toqquşub. Hadisə şahidlərinin məlumatına əsasən, qəzanın baş verməsinə səbəb yüksək sürət həddi olub. Bir-birinə çırpılan avtomobillər tamamilə sıradan çıxıb, sürücülərdən biri dünyasını dəyişib. Ağır xəsarət alan digər avtomobil idarəçisi isə xəstəxanaya yerləşdirilib. 

Nərmin