Ağstafada iki" "VAZ"ın toqquşması nəticəsində avtomobillərdən biri yandı, xəsarət alanlar var - YENİLƏNİB

Ağstafa rayonunda (Bakı-Qazax avtomobil yolunun 462-ci kilometrliyi) “VAZ” markalı iki minik avtomobili toqquşub.

Bu barədə Fövqəladə Hallar Nazirliyi məlumat yayıb.

Nəticədə bir minik avtomobilinin salonu yanıb. Avtomobilin qalan hissəsi və digər avtomobil yanğından mühafizə olunub. Yanğın yanğından mühafizə bölmələri tərəfindən söndürülüb.

***

Ağstafada yol-nəqliyyat hadisəsi baş verib.

Hadisə Bayraq Meydanın qarşısında qeydə alınıb.

Hərəkətdə olan "VAZ" markalı iki minik maşını toqquşub.

Qəza zamanı dörd nəfər xəsarət alaraq xəstəxanaya yerləşdirilib.

Adları məluma olan yaralılar aşağıdakılardır:

Könül Musayeva (1986);

Mehman Musayev (1965);

Anar Əsgərov (1996).

Bir nəfərin adı hələlik məlum deyil.

Onların vəziyyətinin kafi olduğu bildirilir.

Faktla bağlı araşdırma aparılır. (apa)