Vəsiqəsi olmayan gənc sükan arxasına keçdi; qəza törədib ÖLDÜ - VİDEO

Masallıda ölümlə nəticələnən ağır qəzanın detalları məlum olub.

Avtosfer.az xəbər verir ki, bu barədə Baş Dövlət Yol Polisi İdarəsi (BDYPİ) məlumat yayıb.

Bildirilib ki, hadisəni törədən 21 yaşlı Orxan Zamanovun sürücülük hüququ olmayıb.

Qeyd edək ki, qəza zamanı O.Zamanov hadisə yerində ölüb, avtomobili idarə etməyi ona həvalə edən Kənan Rufullayev isə xəsarət alaraq xəstəxanaya yerləşdirilib.

"BDYPİ bir daha diqqətə çatdırır ki, nəqliyyat vasitəsinin sürücülük hüququ olmayan şəxslər tərəfindən idarə edilməsi, eləcə də avtomobilin belə şəxslərə etibar edilməsi yol hərəkəti qaydalarının kobud şəkildə pozulması olmaqla yanaşı, çox vaxt ağır və geri dönüşü olmayan nəticələrə səbəb olur.

Sürücülərdən və nəqliyyat vasitəsi sahiblərindən tələb olunur ki, bu kimi məsuliyyətsiz davranışlardan çəkinərək həm özlərinin, həm də digər hərəkət iştirakçılarının təhlükəsizliyini risk altına qoymasınlar", - məlumatda bildirilib.