“Vito” “Ford Transit”ə çırpıldı, yaralılar maşından güclə çıxarıldı - VİDEO

Bakı-Sumqayıt yolunun Abşeron rayonu ərazisindən keçən hissəsində yol-nəqliyyat hadisəsi baş verib.
Avtosfer.az xəbər verir ki, qəza 20 iyul tarixində səhər saatlarında qeydə alınıb. Görüntülərdən bəlli olduğu kimi, 99-FK-108 qeydiyyat nişanlı, “Mercedes Vito” markalı minik vasitəsi, 99-DA-053 qeydiyyat nişanlı, “Ford Transit” markalı yük maşını ilə toqquşub. Qəzanın baş verməsinə səbəb yüksək sürət olub. Belə ki, yüksək sürətlə hərəkət edən “Vito” qarşıdakı “Ford”a çırpılıb. Nəticədə minik vasitəsi tamamilə yararsız vəziyyətə düşüb. Ölüm halı olmasa da, sərnişinlər arasında xəsarət alanlar var. Videoda göründüyü kimi, yaxınlıqda olan insanların köməyi ilə yaralananlar nəqliyyat vasitəsindən çıxarılıb. 

Nərmin