Yasamal perevalında qəza: Yük maşını aşaraq yolu bağladı - VİDEO

Yüksək sürətlə enişə düşən sürücü yük maşınını aşırıb.
Avtosfer.az-ın məlumatına əsasən, qəza hadisəsi dünən günorta saatlarında Şəmkir-Gədəbəy yolunda - Yasamal perevalında baş verib. Görüntüdən bəlli olduğu kimi, 90-EF-644 dövlət nömrə nişanlı, “Isuzu” markalı yük maşını aşıb. Hadisə şahidlərinin məlumatına görə, yol-nəqliyyat hadisəsinin baş verməsinə səbəb sürücünün yüksək sürətlə enişə düşərkən əyləci sıxması olub. Nəticədə böyrü üstə aşan yük maşını digər nəqliyyat vasitələrinin hərəkətinə mane yaradıb. Nəqliyyat vasitəsinə zərər dəysə də, sürücü xəsarətsiz qəzadan qurtulmağı bacarıb.
Qeyd edək ki, sürücü və piyadaların yardımı ilə aşan yük maşını əvvəlki vəziyyətinə qayıdıb.

Nərmin