Yasamalda "Hyundai" belə yandı - FOTO

Bakının Yasamal rayonunda yanğın baş verib.

Hadisə Həsən bəy Zərdabi küçəsində qeydə alınıb.

Hərəkətsiz vəziyyətdə olan 99-NV-914 dövlət qeydiyyat nişanlı “Hyundai” markalı avtomobilin mühərrik hissəsi qəfildən alovlanıb. Avtomobilin xanım sürücüsü ətrafdakıları köməyə çağırıb.

Əraziyə FHN-in Dövlət Yanğından Mühafizə Xidmətinin əməkdaşları cəlb edilib. Yanğın söndürülüb və alovun ətrafa keçməsinin qarşısı alınıb. Yanğın nəticəsində avtomobilə ciddi ziyan dəyib.

Hadisənin səbəbi araşdırılır.