Yasamalda zəncirvari qəza: 5 avtomobil və motosiklet toqquşdu - VİDEO

Yasamal rayonunun Abbas Mirzə Şərifzadə küçəsində 5 avtomobilin toqquşmasıya nəticələnən zəncirvari qəza baş verib.
Avtosfer.az-ın məlumatına əsasən, yol-nəqliyyat hadisəsi dünən axşam saatlarında qeydə alınıb. Qəza 10-CC-803 dövlət nömrə nişanlı, “Volkswagen Passat”markalı, 90-EC-190 dövlət nömrə nişanlı, “Toyota Prado” markalı, 77-HA-506 dövlət nömrə nişanlı, “Opel Astra” markalı, “Kia Rio” markalı, 99-KO-620 dövlət nömrə nişanlı, “Nissan Sunny” markalı avtomobillərin və motosikletin iştirakıyla baş verib. Hadisənin baş verməsinə səbəb yüksək sürət həddinin olduğu bildirilib. Belə ki, yüksək sürətlə hərəkət edən “Volkswagen” sürücüsü qəfil idarəetməni itirərək əks yola çıxıb. Bu zaman yolda dayanan nəqliyyat vasitələri ilə toqquşub. Qəza nəticəsində “Volkswagen” və “Nissan” markalı avtomobillər tamamilə sıradan çıxıb, digər nəqliyyat vasitələrinə də müəyyən dərəcədə ziyan dəyib. Həmçinin hadisəni törədən “Volkswagen” sürücüsü və qəza qurbanlarından olan bayker aldıqları xəsarətlə xəstəxanaya yerləşdirilib. 

Nərmin