Yeni avtobus xanım sürücünün maşınını əzdi - FOTO

Bu gün Bakının Nizami metro stansiyasının yaxınlığında yol qəzası baş verib. Avtosfer.az salamnews-a istinadən xəbər verir ki, paytaxta yeni gətirilmiş Yaponiya istehsalı olan «Isuzu» markalı, 10-TH-322 dövlət nömrə nişanlı, 65 nömrəli marşrut avtobusu 90-VH-854 dövlət nömrə nışanlı "Mercedes" markalı minik avtomobili ilə toqquşub.

Qəza nəticəsində xəsarət alan olmasa da, hər iki nəqliyyat vasitəsinə ziyan dəyib. Hadisə şahidlərinin sözlərinə görə, içərisində sərnişinlərin olduğu avtobus hərəkətdə olarkən minik avtomobili qəfil onun qarşısına çıxıb. Qəza da məhz bu səbəbdən baş verib.

Qeyd edək ki, "Mercedes" markalı avtomobilli idarə edən sürücü qadın olub.