Yeniyetmənin ölümüylə nəticələnən qəza anbaan kameraya düşdü - VİDEO

Avtomobildə "şou" göstərən yeniyetmələrin törətdikləri qəza anbaan kameraya düşüb.
Avtosfer.az xəbər verir ki, sosial şəbəkələrdə gündəmə düşən qəza hadisəsi Türkiyədə qeydə alınıb. Sükan arxasında əyləşən 17 yaşlı yeniyetmə və yan oturacaqda oturan 13 yaşlı dostu kameranı açaraq göstərdikləri “şou”nu lentə alıblar. Kameraya düşən görüntülərdən aydın olduğu kimi, yeniyetmələr avtomobildə olduqlarını unudaraq mahnının təsiri altında təhlükəli əl-qol davranışları sərgiləyərək qarşı yola baxmırlar. Nəticədə sükan çənbərindən əlini götürən yeniyetmə anidən idarəetməni itirir və avtomobili yol kənarındakı dirəyə çırpır. Qəzanın ən acınacaqlı məqamı isə, kameraya düşən arxa oturacaqda əyləşdirilən 3 yaşlı körpənin qorxaraq ağlaması olub.
Qeyd edək ki, qəza zamanı 13 yaşlı yeniyetmə həyatını itirib. Sükanı idarə edən şəxs və arxa oturacaqdakı 3 yaşlı uşaq ağır xəsarətlərlə xəstəxanaya yerləşdirilib.

Nərmin