Yevlax və Şəmkirdə ağır yol qəzaları - 4 nəfər həlak olub, 5 yaralı var - VİDEO

Yevlaxda minik maşını yol kənarında dayanan krana çırpılıb, nəticədə sürücü dünyasını dəyişib.

Hadisə gecə saatlarında Yevlax-Bərdə yolunda qeydə alınıb.

Minik maşınının sürücüsü Davani Əmiraslanov idarəetməni itirərək avtomobili yol kənarında dayanan avtokrana çırpıb. Ağır bədən xəsarətləri alan sürücü hadisə yerində dünyasını dəyişib.

Şəmkirdəki zəncirvari qəzada isə bir ailənin 3 üzvü ölüb, 5 nəfər xəsarət alıb. Hadisə Gədəbəy-Şəmkir avtomobil yolunun rayonun Qasımallar kəndindən keçən hissəsində qeydə alınıb. Minik avtomobillərinin toqquşması nəticəsində  sərnişinlər - Bayram Gözəlov, Gəncalə Əliyeva və Aliyə Əliyeva hadisə yerində dünyasını dəyişib. Onların bir ailənin üzvləri olduğu bildirilir. Sürücünün övladları Yasin və Hüseyn Gözəlovlar, Hicran Əliyeva, eləcə də hər iki sürücü - Elməddin Zeynalov və  Sənan Allahverdiyev də xəsarət alıblar. Onlar xəstəxanaya yerləşdiriliblər.

Hər iki faktla bağlı araşdırma aparılır.