Yevlaxda qəza: Yoldan çıxan “Mercedes-Vito” meşəliyə girdi

Yüksək sürətlə hərəkət edən minik vasitəsi sərnişinlərin xəsarətiylə nəticələnən qəza törədib.
Avtosfer.az xəbər verir ki, qəza hadisəsi  iyunun 27-də saat 17 radələrində Yevlax rayonunda qeydə alınıb. Görüntülərdən aydın olduğu kimi, 10-TY-428 dövlət nömrə nişanlı, “Mercedes-Vito” markalı minik vasitəsi öndən gələn “Mercedes-Atego” markalı yük maşınının qarşısına çıxması ilə yol kənarındakı meşəliyə girib. Hadisə şahidlərinin məlumatına əsasən, qəzanın baş verməsinə səbəb sürücünün avtomobili yüksək sürətlə idarə etməsi olub. Nəticədə qarşıdan gələn yük avtomobili ilə toqquşmamaq üçün ana yoldan çıxan “Mercedes-Vito” ağaca çırpılıb. Minik vasitəsinin ön hissəsi yarasız hala düşüb. Sürücü xəsarət almasa da, sərnişinlər arasında ağır yaralananlar olub. 

Nərmin