Yol ayrıcını keçə bilməyən sürücülər işıqforu yararsız hala saldılar - VİDEO

Səhər saatlarında Yasamal rayonu, Abbas Mirzə Şərifzadə və Əsəd Əhmədov küçələrinin kəsişməsində yol-nəqliyyat hadisəsi baş verib. Qəza nəticəsində bir ədəd svetofor dirəyi yararsız hala düşüb.

Avtosfer.az xəbər verir ki, DİN-in Nəqliyyatı İnellektual İdarəetmə Mərkəzinin Mətbuat xidmətindən verilən məlumata görə , Mərkəzin texniki əməkdaşları əraziyə cəlb olunublar və svetoforun yenisi ilə əvəzlənməsi işləri görülür. Daxili İşlər Nazirliyinin Nəqliyyatı İnellektual İdarəetmə Mərkəzi sürücülərin diqqətinə çatdırır ki, yollarda svetoforlar hansısa səbəbdən işləmədikdə və ya nizamlayıcı olmadıqda, yolayrıcı nizamlanmayan hesab olunur.

Bu zaman onlar “Yol hərəkəti haqqında” Qanunun 77-ci maddəsində qeyd olunanları əsas götürərək yollarına davam etməlidirlər.