Yol polisi Bakıda baş vermiş qəza ilə bağlı məlumat yaydı - VİDEO

Baş Dövlət Yol Polisi İdarəsi (BDYPİ) Bakı-Qazax yolunda baş vermiş qəza ilə bağlı məlumat yayıb.

BDYPİ-nin şöbə rəisi polis mayoru Rövşən Tağıyev Avtosfer.az-a bildirib ki, bu gun saat 13:45 radələrində Bakı-Qazax yolunun 30-cu km-də iki yük avtomobilinin toqquşması nəticəsində yük avtomobillərin sürücüləri idarəetməni itirib və nəticədə avtomobillərdən biri "Qaradağ" marketin önündə dayanan digər nəqliyyat vasitələrinə çırpılıb.

Qəza nəticəsində ölən olmasa da, 2 nəfər xəsarət alıb. 10-a yaxın avtomobilə maddi ziyan dəyib.